Maaksoeh

Dah gïeh gelkieh maeksedh  

Gåetieguntie lea aajnealmetje jïh paarretjealmetjh.

Paarretjealmetjh aaj nyjsenæjja jïh ålma gïeh eah pruvreme men ektesne jieliejægan jïh maanam utniejægan jallh utnijigan jallh lægan seamma adressesne tjaalasovveme.

Paarretjealmetjh aaj almetjh gïeh ektesne jieliejægan homoseksuellen relasjovnine jïh lægan seamma adressesne tjaalasovveme.

Jis sivijlestatuse jeatjahtåvva maahta aarhskuvlen / eejehtshïejmen maaksoe lissehte jallh unnede, bïeljelh dan gaavhtan jis sivijlestatuse jeatjahtåvva BoU:en kontovrese.

 

Maaksoen stoeredahke lea bruttobaalhkan våaroemisnie.

Maaksoe lea baalhkan våaroemistie:

Maaksoe baalhkan våaroemistie lea baalhka skaehtien åvtelen jïh jeatjah skaehtiedïedteles baalhkah baalhkadorjeme dïenesjisnie jïh dïeneste baalhkadorjeme sïeltedorjemisnie baalhkaskaehtielaaken mietie (1999:1229) dåarjoejaepesne.

baalhka skaehtien åvtelen

baalhka sïeltedorjemistie

skaehtiedïedteles transferereemh vuesiehtimmieh skïemtjebeetnegh, A-kassa, eejhtegebeetnegh, voeresebeetnegh, ööhpehtimmiedåarjoe jïh staaten lohkemedåarjoe (ij lööneme-bielie).

Eah dah skaehtiefrijjes transfereeremh meatan:

maanabeetnegh

årromedåarjoe

Maaksoe baalhkan våaroemistie jïjtje sïeltebarkijidie ryöknoe fïereguhtese individuellen pryöveminie mij aalka försäkringskassan nænnoestamme skïemtjebeetnehvåaromen baalhkeste, dæjman takseereminie jïh mubpieh faktorh mejtie nænnoestimmiem tsevtsieh.

 

Maaksoem nænnoestidh

Våaromeprinsïhpe lea maaksoem maeksedh dehtie dan vuelielisnie daltesistie jïh proseentijste.

Bijjemes maaksoe, daennie maanan sjyöhtehke darjomehammosne, edtja maeksedh dehtie nööremes maaneste fuelhkesne jïh dam lïhkemes unnebe maaksoem, daennie maanan sjyöhtehke darjomehammosne, edtja maeksedh dehtie lïhkemes båarasåbpoe maaneste. Njealjeden maaneste ij maaksoem maeksieh.

Eejehtshïejmen maaksoem dan taksan mietie maeksedh. Daate ajve dejtie maanide mej eejhtegh luhkieh jallh berkieh aarhskuvleklaassesne gïjretermijnen raajan gosse maana 13 jaepieh illie, dan tïjjen åvteste gosse eejhtegh berkieh jallh luhkieh.

Jis ajve aarhskuvleklaassesne meatan dellie namhtah.

Sïejhme aarhskuvle 3-5 jaepieh. Daate tjaktjetermijnen raejeste jaepie gosse maana 3 jaepieh illie jïh lea 15 tæjmoeh/våhkoen jallh unnemes 525 tæjmoeh/jaepien. Darjome dåerede learohki tïjjem maadthskuvlesne jïh dïhte sæjhta jiehtedh maanah eejehtimmiem utnieh seamma biejjieh goh maadthskuvlen. Meatan årrodh sïejhme aarhskuvle maanide 3-5 jaepieh namhtah. Dejtie maanide gïeh meatan sïejhme aarhskuvle jïh lea aarhskuvlesne jienebh enn 15 tæjmoeh, dellie maaksoe vaenede dan tabellen mietie mij dan nuelesne jïh skuvletïjjesne. Darjome åtna tjïrkes tïjjh jïh dejtie fïerhten aarhskuvle sjæjsjalieh fïerhten lohkemejaepien åvteli.

Fïerhten asken maaksoe tjuara maeksedh dan guhkiem goh aarhskuvlen/eejehtshïejmen sijjiem vadtasovvi, aaj jis skïemtjes, giesie-eejehtimmie j.n.v. Maaksoem kreava 12 aski åvteste kalenderejaepesne gaajhkide maanahoksehaamojde.

 

Daltese 1 (jeenjemes 15 tæjmoeh/våhkoen)

 

 

 

Darjome

1 maana 

2 maanah 

3 maanah jallh jienebh

Aarhskuvle

1,5%

2,5%

3,0%

Meajkemh maanalåhkoen åvteste mij meatan sïejhme aarhskuvlesne  

-1,5%

-2,5%

-3,0%

Eejehtshïejme

1,5%

2,5%

3,0%

 

 

 

 

 

 

 

 

Daltese 2 (jeenjemes 30 tæjmoeh/våhkoen)

 

 

 

Darjome

1 maana

2 maanah

3 maanah jallh jienebh

Aarhskuvle

 2,25%

3,75% 

4,50% 

Meajkemh maanalåhkoen åvteste mij meatan sïejhme aarhskuvlesne  

-0,75%

-1,25% 

-1,5% 

Eejehtshïejme

1,75% 

2,75%

3,5% 

 

 

 

 

 

 

 

 

Daltese 3 (bijjelen 30 tæjmoeh våhkoen)

 

 

 

Darjome

1 maana

2 maanah

3 maanah jallh jienebh

Aarhskuvle

3,0%

5,0%

6,0%

Meajkemh maanalåhkoen åvteste mij meatan sïejhme aarhskuvlesne 

-0,75%

-1,25%

-1,5%

Eejehtshïejme

2,0%

3,0%

4,0%

Tjïelte åtna makstaksa, nænnoestamme njoelkedasse lea jeatjahtovveme guktie balhkataahtjoe indekseeredh. Dah orre bijjemes maaksoedaltesh makstaksan åvteste vuesehte dan nuelesne jïh tsïengelen 1.b. raejeste - goeven 31.b. raajan 2019.

Aarhskuvle
Maana 1; 3% baalhkeste, jeenjemes 1 478 kr/asken
Maana 2; 2% baalhkeste, jeenjemes 986 kr/asken
Maana 3; 1% baalhkeste, jeenjemes 493 kr/asken
Maana 4; ij naan maaksoe

Eejehtshïejme
Maana 1; 2% baalhkeste, jeenjemes 986 kr
Maana 2; 1% baalhkeste, jeenjemes 493 kr
Maana 3; 1% baalhkeste, jeenjemes 493 kr

 

Skuvlelaaken mietie 8 kap. 5§ edtja aarhskuvledarjomem jïh eejehtshïejmedarjomem faalehtidh dan jïjnjem maam eejhtegh daarpesjieh barkoen jallh lohkemen åvteste jallh maanan jïjtje daerpiesvoeten mietie. Edtja dan gaavhtan seamadimmiem årrodh maanan tïjje jïh eejhtegi barkoetïjje, lissine feelemetïjje barkosne / lohkemisnie mïnnedh.

Jis jïjnjh maanah vuerpesne sjidtieh lohkiji / barkiji maanah prioriteeridh.

Tjïelte sæjhta reaktam utnedh skuvlegåhtjomem krïevedh, maanan daerpiesvoeti mietie, voestes skuvlegåhtjoemisnie tjïelten aarhskuvline.

Skuvlegåhtjometïjje lea göökte våhkoeh aarhskuvlesne, galka mubpien våhkoem maeksedh.

Våaromesoejkesje edtja Tempusisnie gååvnesidh minngemes göökte våhkoej åvtelen aalka juhtedh. Jis jorkesimmieh åeniehkåbpoe bïeljelimmine edtja persovneles gaskesadtedh dejnie darjoeminie.

Maanah giej eejhtegh skïemtjebeetnegh åadtjoeh eah reaktam utnieh eejehtshïejmesæjjan. Reakta aarhskuvlesæjjan lea jeenjemes 15 tæjmoeh/våhkoen.

Maanah giej eejhtegh darjomedåarjoem åadtjoeh eah reaktam utnieh eejehtshïejmesæjjan. Reakta aarhskuvlesæjjan lea jeenjemes 15 tæjmoeh/våhkoen. Gosse eejhtege darjomen meatan v.g. barkoepraktihke åadtjoeh sijjiem seamma tïjjesne.

Barkohts jïh eejhtege-eejehtsh eejhtegi reakta aarhskuvlesæjjan, 15 tæjmoeh/våhkoen. Darjome åtna tjïrkes tïjjh jïh fïerhte aarhskuvle dah sjæjsjele.

Gosse eejhtege skïemtjede jïh nåajsanbeetnegh åtna maanan reakta aarhskuvlesne årrodh seamma aejkie goh eejhtege skïemtjetjaalasovveme jallh åådtje nåajsanbeetnegh.

Gosse eejhtegh eejehte (eejehtimmie, komp-eejehtimmie j.j.) ij maana edtjh aarhskuvlesne/eejehtshïejmesne årrodh, ajve dam tïjjem mij maana lea sïejhme aarhskuvlesne tjaalasovveme.

Sjïere veajkoej mietie maahta ohtsemistie jååhkesjidh .

10 biejjiej raajan fïerhten jaepien: ohtseme jïh jååhkesjimmie goevtesebarkijistie.

10 biejjiej raejeste fïerhten jaepien: ohtseme jïh jååhkesjimmie aarhskuvleåejvie/rektovre.

Gosse eejhtege sov barkoesoejkesjisnie eejehtsvåhkoeh jallh bielie våhkoste maanan reakta 15 tæjmoeh våhkoen guktie kontinuiteete aarhskuvletïjjesne. Seamma tïjje jis barkohts.

Gaatoe mij sjïdti hïeljebiejjiej, lohkemebiejjiej, eejehtimmien jïh skïemtjelassi gaavhtan ij maehtieh mubpide biejjide juhtedh.

Dah maanah gïeh eejehtimmesne sov aejkie eejehtshïejmesne maeksieh soejkesjen mietie maam vadta.

Juhtemh aarhskuvli/eejehtshïejmi gaskem maaksa ellies tïjjen åvteste.

Baalhkabïevnesh edtja vedtedh gosse aarhskuvle/eejehtshïejmesijjiem åådtje. Dan mænngan tjuerieh eejhtege/eejhtegh baalhkabïevnesh vedtedh voerhtjen askesne fïerhten jaepien jïh gosse baalhkabïevnesh jorkese. Jis ij baalhkabïevnesh vedtieh dellie bijjemes tariffem debiteeredh.

Eejhtegh gïeh eah leah maakseme aarhskuvle/eejehtshïejmemaaksoem minngemes 30 biejjieh mænngan minngemes maeksemebiejjien reaktam dassa sijjiem nuhtjedh. Krïevemegïetedimmie lea tjïelten reglemeenten mietie krïeveme- jïh fakturagïetedimmide.

Individuellen pryöveme

Individuellen pryöveme maahta darjodh jïh sjæjsjalidh dam maaksoevåaromen baalhkam jïh maaksoem sjæjsjalidh.

Tsiehkine gusnie individuellen pryöveme maahtah årrodh lea g.j. jïjtje sïelteaajhtere jïh gosse maanah fysisken, psykisken jallh mubpiej sjïeki gaavhtan tjïelten aarhskuvlide/eejehtshïejmide edtjieh årrodh.

Sjïere pryöveme mejtie maaksoevaeniedimmie gosse gaatoe jienebh enn 30 biejjieh skïemtjelassen jallh seamma laakan gaavhtan maahta dorjesovvedh. Daate mænngan tjaalege eejhtegistie/eejhtegijstie.

 

 

 

 

 

 

 

 

 

Translate the website with Google translate.